2014年12月15日 星期一

型男必備 - 豬鼻黑頭貼三步曲



男仔多數唔會點護膚,不過最起碼清清你鼻頭上D黑芝麻吖唔該,唔係真係失禮死你身邊個個呀!

豬鼻貼賣到成行成市,五花八門。
今次貪得意買左呢款豬鼻貼試試!

簡單介紹下豬鼻貼係點先。
一份豬鼻貼總共有3片,分為step 1, step 2 & step 3.
Step 1 :清潔面部後敷在鼻頭上10-15分鐘,以溶解軟化黑頭。
Step 2:(即從前的X王黑頭貼)用清水拍上鼻頭再貼上10-15分鐘(視乎濕度而定,8成乾可將鼻貼撕下,鼻貼可見有好多黑頭,白頭)
Step3:啫哩質地,使用前可放到冰箱,可以更有效收緊毛孔。

用過豬鼻貼,的確清到唔少黑頭。
不過鼻上頑強的黑頭,都係用黑頭針更乾淨更過癮XD

2014年12月12日 星期五

夏天曬黑,冬天要美白! Kiss 膠原美白面膜 (訓住覺都可以美白嘅懶人思物)


襟下邊邊,中央位個圓型,就會揤左啲出黎,

Mask 係cream ,杰杰的。
不過,都好容易推開

幾個月前去泰國,友人話要代買護膚品。咁我都知呢期有幾個泰牌彈起左! 貪靓之人的我,幫朋友買之餘自己都唔執輸買左幾盒回來"keep stock"
不過,返左香港就將佢放埋左一邊!

泳季曬黑日子已過。
正所謂"夏天曬黑,冬天美白"
所以今晚的起心肝,拎呢個mask出黎試,試下漂白番自己^^

個mask 襟出黎係cream 狀。
塗上面比平時D cream傑DD,帶少少香味!

我用左第一次,訓醒覺得自己白左。
隔晩乖勝追擊再用。之後見到好多人都問我做乜白左咁多😁 

呢個kiss 真係美白神器&懶人恩物!
訓住覺都做到美白mask!








2014年12月5日 星期五

X'mas Party 前急救肌膚神物 - Regen V Fill-Up Mask V面保濕抗皺面膜 -


面膜聲稱擁有3D全面緊緻拉提效果,使臉龐緊緻、纖瘦、嫩滑,同時高效保濕,為肌膚補充、鎖緊水分,撫平減淡皺紋、提升肌膚彈性、輪廓線條更優美,肌膚緊緻、水潤、年輕。


打開包裝,除左一片面膜,仲有一片紗網。面膜本身氣味好淡,反而個紗網就有D臭!



面膜同紗網都有4個圈位,用以將面膜掛上耳仔定位。
如果面大既朋友,套下巴那個圈位可能會比較困難。



 先套上面膜,再套上紗面。 用左紗網,面膜更貼面。效果應該更好!

 
 紗網質地同平時花店包花的一模一樣。

廿分鐘過後,面即時白左。細紋少左。唔覺得乾。皮膚有好緊致感覺,
最驚喜係下巴位,雙下巴收左少少!

呢片面膜都幾全方位,連下巴位置都照顧到。


我覺得幾適合急救用,如果各位出席party 前一兩日用,可有效調整膚色同緊致度。
firm D ,上粉貼D,自然個妝都靚D啦!




2014年12月1日 星期一

Kiss 膠原美白面膜 第2代實測中



左係1代,右係2代

揤出黎睇
左:1代比較杰身,顏色比較白。
右:2代比較油潤,顏色白得黎比較通透。

塗上面易推開且無咁乾。
敷一晩起身,面唔覺乾。補濕效果比第1代好👍  ,不過美白方面就無第1代咁明顯!

2014年11月28日 星期五

[Petitfee] 璞帝妃 黑珍珠果凍眼膜 Black Pearl & Gold Hydrogel Eye Patch





Petitfee 黑珍珠黃金凝膠眼膜 (30對眼膜) 
我分別買左 金箔果凍眼膜 ﹠ 黑珍珠黃金果凍眼膜,
試左一排,我覺得無論價錢,去黑眼圈,收緊,去細紋等效果。
金箔果凍眼膜明顯比較優勝!
唯一就是眼膜就是很配合眼形。
所以都不再多談了!!




[Petitfee] 璞帝妃 EGF眼膜Gold EGF Eye & Spot Patch 金箔果凍眼膜﹣集平,靚,正於一身


[Petitfee] 璞帝妃 EGF眼膜Gold EGF Eye & Spot Patch 金箔果凍眼膜
平到無朋友的眼貼, 一盒有30對眼膜,還有圓形的眉心膜30片。(付小匙可輕易拿取眼膜)


每晚用,一盒可用到30天,就當是每天替眼精做補濕也很化算呢!

自己用左一排,填平眼紋一流。去黑眼圈效果不錯。除左眉心膜敷眉心外。用眼膜敷在其他有紋既地方超正!
我就會敷埋虎紋,效果相當好!!唯一美中不足係眼膜的形狀為左遷就眉心膜,而導致有點不合眼!


真係集平,靚,正於一身!




Its skin 蛇毒血清抗皺面膜

朋友介紹話好好好用,叫我一定要試。又話幫我買平D。即管搭單買黎試下! 

Its skin 蛇毒血清面膜 (一盒5片,百幾蚊)
主要功效: 收緊肌膚,有效抗皺,深層滋養,補充營養,令肌膚更顯健康活力。高效保濕,重現光滑亮澤感。面膜採用生物纖維製作而成,貼合度好,強化肌膚吸收效果。

使用方法:潔面後,將面膜敷於面部,待15-20分鐘後取下,將剩餘精華輕拍至完全吸收。

打開張面膜,白色哩質地。有好輕微香味。
啫哩質地十分貼面,不過mask本身比較細。額頭位近髮線位置完全覆蓋唔到。

20分鐘過後,除低面膜。
保濕效果唔錯,膚色輕微白淨左d
有細乾紋既地方有微微填平左。

面膜表現中規中舉。
$3x一片的面膜而言,我覺得未物有所




2014年11月18日 星期二

強烈推薦-家用果酸 NeoStrata Gel Plus 深層清潔兼去角質的溫和家用果酸產品




NeoStrata Gel plus AHA 15% 深層清潔兼去角質的溫和家用果酸。

我一向油脂分秘多,引至毛囊閉塞而易出豆豆。用過坊間好多品都不能完全改善。
不過自從用左gel plus, 就好好多。
呢支係我最想推薦俾易出暗瘡同豆豆既朋友,因為使用超方便的。
所有懶人都可以handle 到!

Gel plus 質地呈半水狀, 塗上面好易推開。
最初用可能會有d  吉吉地,不過用多幾次就唔會咁敏感。
(*第一次用,最好先點少少去耳背同手背.試下有無過敏!)

我自己主要用於鼻頭去黑頭同預防背部出粒粒,從前我keep 住生粒粒的背,
現在已經光滑了許多!



Gel plus 已經成為我浴室的其中一寶!

我自己用法:
面部去角質:每星期使用 2次,用潔面產品清潔,抺乾面後薄薄的全面塗。待1520分鐘,用清水洗淨,然後塗上面霜即可。
重點去鼻上黑頭:睡前用潔面產品清潔後除鼻頭之外都塗上面霜,鼻頭厚厚的塗上Gel plus敷過夜。 
背部去粒粒:每天洗澡後,抺乾身後薄薄塗上易出粒粒的地方,待乾後再穿上衣服。

2014年11月3日 星期一

韓國 Doctorcos 7合1氨基酸核糖保濕面膜(第一代) 稱為爆水神器絕對是當之無愧-用後感

近日網络上流傳左一件叫"爆水神器"之物!起初以為系打online game 嘅武器,点知原来系䕶膚品。補濕mask是也!
Doctorcos Amino Acid Hybrid Sheet Free Mask Advanced 
聽聞好多空姐用佢,咁應該唔會太差。
顺手叫Po Po買個試試佢。




打開聞吓,有陣ai cream 咁上下味。應該無乜加香料!


如普通面霜般的cream狀,好輕鬆就將D mask 推開👍,推開後感覺面上水噹噹且不覺油膩👍👍
過左一晚,朝早都仲覺得好水唔覺乾👍👍👍

呢樽mask, 俾我印象系抵食夾大件!110ml 咁大罐先百幾蚊😍😍,補濕效果又幾好,睇網介紹仲話可以塗埋眼,又補濕,美白又緊膚同收毛孔咁神效!

不過我認為,只要做到補濕之效。咁嘅價錢已經交足功課,值回票價!

我自已用後覺得補濕效果好顯著,另外美白收毛孔就唔係太覺!
不過,爆水神器佢真係當之無愧👍



(當hand cream, foot cream 用都抵,唔怕用窮你)

2014年11月2日 星期日

Fresh Rose Face Mask 玫瑰補濕面膜




淡淡的玫瑰香味,感覺好似好天然!
面膜入面仲有D玫瑰嘅花辬碎。
敷上面都幾舒服,用完都有覺得係補濕左。不過如果以幾百蚊嘅補濕gel mask 仲有好多選擇。崇尚天氣謢膚品的另計!




Whoo 后 津率享眼霜 Jinyul Eye Cream




后 whoo , 呢期OL介 heat 爆。連平時慳妹同事都不大破慳囊!買左全套黎用。
我貪靚的另一半都唔執輸,買左盒眼霜試試!我又即管奉陪試一試!!

包裝真係攞滿分,個個女仔都話靚!
此包裝真係充滿古典宮廷味道,包裝非常名貴。

呢個眼霜聲稱用多種名貴藥材調配,
又可收緊眼部同去黑眼圈。
呢D,就係所有買眼霜的原因!

用左個幾星期,佢完全無去黑眼圈同去眼腫嘅現象出現喺我身上。
只感覺到佢保濕效果算唔錯!
不過如果只為保濕,可以選擇再平D既眼霜。



Skin1004 Zombie Pack 勁heat疆屍面膜




行過商場,幾乎所有賣護膚品的舗頭。都見到。最近連DSC(賣傢俬)都有得賣!
點解咁Heat ? 我都有上網做過下功課!

網上見到一個heading 
"十秒內毛孔消失"
呢一句係人見到都要乖乖打開荷包俾錢啦!仲要咁平!!

仲有以下功能:
抗皺
全效保濕
回復彈性
美白
抗老
緊緻
提升

拎番屋企急不及待試下點樣"十秒毛孔消失"


先介紹下呢盒mask入面有乜:

1盒有16次mask 嘅份量
1. 16小盒面膜粉 (每次一盒)
2. 1支精華水 Activator (每次一格)
3. 掃1個


Activator 上有刻度60ml 共16格



用法: 
1. 打開一格面膜粉,倒入一格activator拌混。
2. 用面膜掃掃上已預先清潔好嘅皮膚上 (注意:避免塗在雙眼附近及眉毛)
3. 敷約15分鐘,面膜會慢慢收緊而出現裂紋及凹凸不平。
(聽聞越多裂紋代表你皮膚本身越乾,凹凸就係修復你鬆弛了的地方!經我查證,其實係你本身開的面膜濃度和塗查的厚薄所影響!)
4. 用清水洗。
5.最後塗上你自己用開的保養品即可。



用後感:
個人覺得即時白左,毛孔細左,細紋填平了不少,感覺不錯。
略嫌保濕度不夠強,有點乾乾的!
*我自已就再會補個免洗嘅sleeping mask^_^ 


2014年10月29日 星期三

Fresh Sugar Face Polish 黃糖面膜-秋冬天然滋潤之選






秋天到,天氣轉,又有新野試!
多謝呀肥既sample,真係好介紹。

打開個mask嗅到陣陣好fresh既香甜味(好似糖果味),
我用手指點左少少入口試,真係甜㗎!
個mask 質感同顏色就好似溶左既黃糖一樣!

用法超簡單:
進行面部清潔後,不用抺乾面上的水珠。
取出適量mask,再在微濕的臉上輕力打圈按摩一陣 (好似平時做磨沙咁),
黃糖會在臉上慢慢溶解,敷約十分鐘再沖水即可!

用後感:
黃糖在臉上慢慢溶解,比磨沙膚更溫和同無咁刺激皮膚。
沖水後皮膚即時變得軟綿綿,角質明顯少左。
之後再塗上護膚品,我自己覺得皮膚即時平滑左,潤左,感覺護膚品比之前易吸收!
過左一晚皮膚都仲keep到好滋潤! 保濕效果超好,堅正^_^









2014年10月12日 星期日

Cellbone 杏仁酸活肌精華 係咪好似官網講到咁勁????

Cellbone 杏仁酸活肌精華 試用



上星期一班朋友去旅行,見番一排無見既朋友。
言談間見佢皮膚好左又有光澤,多口問句發生乜事!
之後佢就介紹左呢支杏仁酸俾我。
番到香港我就急不及待買左圖中呢支野試試。
去到x寧問個sales 姐姐,呢支野點用!
sales 姐姐話呢支杏仁酸同果酸有D唔同 ,無咁刺激皮膚,但又有效好多(不過sales姐姐說話唔好盡信!!)
先清潔全面,直接將杏仁酸滴上面(全面4滴就夠),最後再塗補濕就ok。

回家即時試用!
呢支杏仁酸味道淡淡地杏仁味。
濃度就好似水一樣,所以好易推 ,不過可能要用多1-2滴!
用左約2個星期,黑頭明顯少左,出油少左D,皮膚多左D光澤同死皮少左!


官網介紹功效真係超級強勁,有興趣自己上官網睇睇啦^^